Clark: Serbet që kanë bërë krime mund të largohen nga Kosova

Avokati i Hashim Thaçit, Gregory Kehoe e ka vazhduar me fjalën e tij hapëse në seancën e sotme në Hagë.

Kehoe ka cituar ish-gjeneralin amerikan, Wesley Clark, i cili kishte theksuar se janë shumë njerëz që kthehen, janë bërë shumë krime, ka shumë emocione, ka shumë serbë aty, që kanë marrë pjesë nëpër krime.

“Ne ende nuk e dimë sa shumë popullata serbe ka qenë e përfshirë në krime. Shumë prej tyre kanë mundur të marrin pjesë në krime. Disa do të largohen. Disa mund të jenë cak i drejtësisë ndërkombëtare. UÇK-ja ka bërë thirrje për një shoqëri multietnike. Ne i besojmë këtë!”, kishte thënë Clark.