Këshilltari i Lartë në Departamentin e Shtetit në SHBA, Derek Chollet është takuar me ambasadorin e Serbisë në SHBA, Marko Gjuriq.

Në këtë takim, Chollet e Gjuriq kanë diskutuar për rëndësinë e zbatimit të marrëveshjes Kosovë – Serbi në Ohër dhe për avancimin e ambicieve të Serbisë.

Ai i ka shprehur falënderime Serbisë për mbështetjen e Ukrainës.

“I lumtur që takova ambasadorin Marko Gjuriq sot dhe diskutuam për rëndësinë e implementimit të zotimeve në Marrëveshjen e BE-së nga Ohri, për të avancuar aspiratat e Serbisë drejt BE-së. Falënderova Serbinë për përkrahje të Ukrainës. Ndava entuziazmin e SHBA-së për të mirëpritur një diplomat serb në programin ndërlidhës të Departamentit të Shtetit këtë vjeshtë”, ka shkruar ai.

Gjithashtu ka thënë se e mirëpret Gjuriqin në vjeshtë për programin e ndërlidhjes.

Great to see 🇷🇸 Amb @markodjuric today and discuss the importance of implementing EU Agreement commitments from Ohrid to advance Serbia's EU ambitions. Thanked 🇷🇸 for supporting Ukraine. Shared U.S. excitement to welcome a 🇷🇸 diplomat to @StateDept liaison program this fall.

— Derek Chollet (@CounselorDOS) March 31, 2023