Një ndeshje fantastike është zhvilluar në Suharekë, ku u përballën Ballkani dhe Drenica. Dy ekipet e para në renditjen tabelare u vunë përballë njëra tjetrës, ndeshje të cilën e fitoi Ballkani me rezultat 3:2.

Ndeshja e vlefshme për xhiron e tetë në Superligën e Kosovës në futboll nisi për mrekulli për Drenicën që pas 55 minutave lojë ishte në epërsi të dyfishtë.

Nëse presioni kërcen në 140/90, pastroni enët e gjakut! Pije!
Uka shënoi dy golat në minutat 25, respektivisht 55.

Më pas, skena ishte e gjitha për ekipin e udhëhequr nga Bekim Isufi.

Fillimisht, Armend Thaqi ngushtoi epërsinë në minutën e 61-të, për ta barazuar më pas Hoxha 10 minuta më vonë.

Në minutën e 83-të Armend Thaqi shënoi sërish dhe i dha fitoren e radhës Ballkanit.

Me këtë triumf, tani Ballkani prin me 16 pikë, kurse Drenica bie përkohësisht në vendin e dytë me 14 pikë të tubuara.