CEO i YouTube flet për kufizimet që u vendos fëmijëve online
CEO e YouTube nuk dëshiron që fëmijët e saj të shpenzojnë tepër kohë në YouTube. Susan Wojcicki ka pesë fëmijë dhe gjatë një interviste për CBS, ajo tha se fëmijët e saj shohin YouTube Kids por me kufizime.
“Unë i lejoj fëmijët e mi të shohin versionin për fëmijë YouTube Kids, por e kufizoj kohën që shpenzojnë në platformë. Mendoj se çdo gjë e tepruar është e dëmshme,” tha ajo për CBS.
YouTube Kids është një platformë e ndarë nga YouTube dhe kuruar për përmbajtje për fëmijë. Megjithatë nuk është e pa të meta sepse në 2017-ën disa video të papërshtatshme kishin arritur të penetronin në YouTube Kids.
Nuk është hera e parë të Wojcicki flet për rregulla që u ka vendosur fëmijëve online. Në fillim të vitit tha se nganjëherë u merr telefonët fëmijëve sidomos gjatë pushimeve për ti ndihmuar të jenë më të pranishëm me realitetin që i rrethon.
Por nuk është CEO e vetme që u imponon kufizime fëmijëve. CEO i Google Sundar Pichat thotë se nuk ja lejon djalit të tij 11 vjeçar të përdorë smartfonë ndërsa themelues i Snapchat Evan Spiegel u lejon vetëm 1.5 orë në javë.
