Burdushi kërkon dhomë të veçantë në qendrën e paraburgimit në Prizren

Hysri Peqani ka kërkuar një dhomë të veçantë në Qendrën e Paraburgimit në Prizren, “për shkak të rehabilitimit dhe disponimit”.

Insajderi e ka siguruar kërkesën që Burdushi e ka bërë me 6 mars. Kërkesa e tij është miratuar menjëherë.

Burdushi kërkon dhomë të veçantë në Qendrën e Paraburgimit në Prizren

Mjeku popullor Hysni Peqani, i njohur si Burdushi, pasi disa ditë pasi që kishte tentuar të vetvritet në qendrën e paraburgimit në Prizren ka kërkuar që të vendoset në një dhomë të veçantë. Tentimin për tu vetvritur përmes një çarçafi e ka konfirmuar drejtori i Shërbimit Korrektues të Kosovës, Nehat Thaçi.

“Me datën 25.02.2019 rreth orës 05:00 te mëngjesit i paraburgosuri H.P ka tentuar të bëjë vetëvrasje, me ç’rast si mjet ka përdorur çarçafin e shtratit i cili është në dhomën e tij. Mënyrën e tentim vetëvarjes e ka bërë duke e lidhur çarçafin për TV të cilën po ashtu e ka në dhomë”, ka thënë Thaçi.

Budushi përmes kësaj letre kërkon t`i jepet dhoma e veçantë për siç ka thënë “për shkak të rehabilitimit dhe disponimit”.

Kërkesa e Burdushit është miratuar nga zyrtarë të kësaj qendre.

“Kërkesën e tij e kemi miratura të njëjtën ditë dhe ai s’ka asnjë shqetësim shëndetësor’, ka thënë drejtori Hamit Ademaj.

Lidhur me rastin Këshilli për Mbrojtejen e të Drejtave dhe Lirive të Njëriut përmes një njoftimi për media kanë thënë se sot e kanë vizituar këtë qendër. Por sipas tyre drejtori Hamit Ademaj e ka mohuar se Burdushi ka tentuar të vetëvritet.