Chelsea
Broja flet pas zëvendësimit: Isha thjeshtë i lodhur, nuk ka të bëj me lëndim
Armando Broja ka zhvilluar ndeshjen e tij të parë si titullar për Chelsean këtë edicion dhe ka gjetur golin e parë.
Sulmuesi shqiptar ishte fantastik ndaj Fulham duke qëndruar për 65 minuta në fushën e blertë.
Chelsea arriti një fitore shumë të rëndësishme në derbin londinez, derisa Broja ishte ndër më të mirët në këtë duel.
Megjithatë sulmuesi shqiptar në momentin e zëvendësimit trembi të gjithë duke u larguar nga fusha, por ka qenë vet ai që ka konfirmuar se nuk ka të bëj fare me lëndimin.
Broja ka deklaruar se ishte thjesht i lodhur dhe vet kërkoi të zëvendësohet.
“Nuk ishte lëndim, por lodhje dhe kërkova zëvendësim. Nuk i kam ende 90 minuta në këmbë”, deklaroi Broja.
“Fitoret sjellin besim dhe pozitivitet në grupin e futbollistëve, në klub, por edh enë raport me tifozët. Është shumë e rëndësishme të fitosh dhe shpresoj të vazhdojmë në këtë rrugë”, tha ndër të tjera reprezentuesi shqiptar.
