Brenda javës pritet të sigurohen 16 mijë teste rapide për banorët e Prishtinës
Pritet të sigurohen 16.000 teste rapide nga Komuna e Prishtinës për identifikimin e virusit COVID-19.
Mbi 12 mijë raste me virusin korona janë aktive në Kosovë.
Pandemia ka shpërthyer së fundmi në vend duke u shënuar për ditë shifra të larta të të prekurve.
Edhe interesimi për t`u testuar është I madh e shpesh krijohen radha të gjata të qytetarëve që dyshojnë se mund të jenë prekur.
E për identifikimin e këtij virusit deri më tani janë përdorur testet PCR dhe ata serologjik, madje edhe rezultatet e këtyre tësteve vonuan deri në katër ditë.
Por krahas këtij testimi Ministria e Shëndetësisë së bashku me Komunën e Prishtinës duket të kenë porositur 18 mijë teste rapide.
Këto të cilat bëhen me strisho të përshtymës dhe rezultatet janë të shpejta.
Ndërkohe drejtori i Shëndetësisë në Komunën e Prishtinës Bujar Gashi tregon për mënyrën se si do të realizohen këto teste.
Gashi thotë se këto teste do të mund të bëhen në Qendrën për Covid-19 në lagjen Kalabria të Prishtinës e eventualisht edhe në ndonjë Qendër të Mjekësisë Familjare.
E sipas Gashit shpejtësia e këtyre testeve do të ndalojë përhapjen e virusit korona.
Ndërkaq pritet që këto teste të sigurohen nga Komuna e Prishtinës në fund të kësaj jave.