Boris Johnson, kryeministri i ri i Anglisë

Boris Johnson është zgjedhur kryeministri i ri i Britanisë së Madhe pas dorëheqjes së Theresa May-t.

Rivali i tij në garën për kryeministër ishte Jeremy Hunt.

Johnson tha se ishte një privilegj që shërbeu në kabinetin e Theresa May dhe se do të vazhdojë pasionin dhe vendosmërinë që ajo solli.

Ai ndër të tjera tha se është një “nder dhe privilegj i jashtëzakonshëm” që u zgjodh udhëheqës i Tory.

Menjëherë pasi Johnson u shpall fitues erdhi edhe urimi i Theresa May-t, e cila me anë të një reagimi në Twitter shkroi se e uron Johnson në krye të konservatorëve.