Blerta Deliu: Me emërimin e militantëve nëpër borde po vërtetohet mashtrimi i madh nga Vetëvendosje
Deputetja e Partisë Demokratike të Kosovës, Blerta Deliu, ia ka kujtuar Lëvizjes Vetëvendosje, zotimin e Albin Kurtit, se nuk do t’i polizitojë ndërmarrjet publike.
Përmes një shkrimi në Facebook, Deliu ka thënë se emërimet e reja nëpër borde publike me anëtarë e militantë të partisë, për më shumë, përderisa është Qeveri e shkarkuar, janë dëshmia e gjallë e një mashtrimi të madh.
Ajo ka shtuar se të vetmin vullnet politik që ka dëshmuar Vetëvendosje gjatë kësaj qeverisje të shkurtër është ai i koncentrimit të pushtetit në një njeri!
Shkrimi i plotë i deputetes së PDK-së:
Ju kujtohen të gjithëve si Vetëvendosje akuzonte rëndë Qeverinë paraprake për emërimet në poste publike gjatë periudhës sa ishte në dorëheqje!
Ju kujtohen edhe parullat e tyre politike mbi kapjen dhe premtimet për çkapjen e institucioneve të pavarura publike!
Kush i ka harruar ta lexojë (të zezën në të bardhë) pikën 6 të zotimeve elektorale të Vetëvendosjes, të vetëquajtur për “Qeverisje të mirë”!
Emërimet e reja nëpër borde publike me anëtarë e militantë të partisë, për më shumë, përderisa është Qeveri e shkarkuar, janë dëshmia e gjallë e një mashtrimi të madh.
Të vetmin vullnet politik që ka dëshmuar Vetëvendosje gjatë kësaj qeverisje të shkurtër është ai i koncentrimit të pushtetit në një njeri!
Vetëvendosje duhet së pari të çkapet nga apetitet personale të liderit, pastaj të gjykojë e veprojë me frymë të lirë!
#rriNshpi
