Blerim Latifi: Dashuria e disa kosovarëve për Palestinën është edhe trashëgimi e Titos
Njohësi i çështjeve politike, Blerim Latifi, i ka komentuar reagimet për sulmet e fundit ajrore në Palestinë, duke thënë se “dashnia e papërmbajtur disa kosovarëve për Palestinën është edhe trashëgimi e Titos”.
Latifi, përmes një postimi në Facebook, ka thënë se reagime të këtilla nuk kanë të bëjnë me konfliktin izraelito-palestinez.
Postimi i tij:
Kjo dashnia e papërmbajtur disa kosovarëve për Palestinën është edhe trashëgimi e Titos, pra jugonostalgji.
Më së paku ka të bëj me dhimbjen për viktimat e pafajshme të konfliktit izraelito-palestinez.
Lexoni artikujt e Rilindjes të viteve ’60 e ’70 dhe do ta shikoni sesa janë të ngjashëm me këta tipat e sotëm që dënojnë Izraelin dhe mbështesin organizatën terroriste, Hamasin.
Qysh ka qenë ajo parulla pas vdekjes së Titos: I posle Tita, Tito! Edhe pas Titos, Tito!