Gjermania ka publikuar bilancin e 24 orëve të fundit me COVID-19.
Sipas të dhënave zyrtare nga Instituti Robert Koch, gjatë kësaj periudhe në Gjermani janë konfirmuar 610 raste të reja me koronavirus.
Kështu numri i përgjithshëm i të prekurve shkoi në 242 mijë e 381 persona, shkruan The Guardian.
Rastet e reja me koronavirus në Gjermani kanë regjistruar rritje që nga fundi i muajit korrik dhe një rikthim i tillë ka ardhur për shkak të mosruajtjes së distancës fizike apo edhe nisjes së lëvizjes më të lirë.
Ndonëse Gjermania ndodhet në mesin e shteteve me numrin më të lartë të të infektuarve, ky vend dallohet për shkallën e ulët të vdekshmërisë në krahasim me disa shtete evropiane si Italia, Spanja, Franca dhe Britania e Madhe.







