Bie numri i dhuruesve të gjakut në Kosovë
Në Qendrën Kombëtare të Transfuzionit të gjakut ka rënë numri i dhuruesve të gjakut.
Ani pse tani është e zbrazur, Qendra Kombëtare e Transfuzionit të gjakut pranon çdo ditë rreth 50 dhurues të gjakut.
Mirëpo temperaturat e larta gjatë kësaj kohe kanë bërë që të ketë një qetësi në këtë qendër.
E kjo sipas doktoreshës Safete Maliqi Qormemeti është normale.
Ajo pohon që kohëve të fundit numri i dhurueseve është rritur dukshëm kjo për shkak të vetëdijësimit të qytetarëve.
Tutje doktoresha tha që ka ende kërkesa për plazmën konvalenciente që shërben për të ndihmuar të prekurit me virusin korona.
