Kandidati për deputet nga Partia Demokratike e Kosovës me numër 109, Bekim Haxhiu, ka bërë të ditur se kanë nisur takimet me qytetarë në lagjen Dardania në Prishtinë, në kuadër të prezantimit të programit politik për zgjedhjet e ardhshme.
Haxhiu tha se gjatë takimeve ka pasur kënaqësinë të takohet me shokë të fëmijërisë dhe fqinjë, me të cilët, sipas tij, kanë kaluar periudha të mira e të vështira, por pa u ndalur asnjëherë në synimin për ndryshim.
“Në lagjen Dardania në Prishtinë filluam takimet me qytetarë për të prezantuar programin tonë për ta ndalur krizën dhe për ta ndryshuar pozitivisht Kosovën”, ka shkruar ai.
Sipas Haxhiut, fuqia e një populli nuk qëndron te pushteti, por te rinia dhe qytetarët, të cilët në këto zgjedhje, siç u shpreh ai, do ta zgjedhin progresin në vend të regresit.
Ai po ashtu ka bërë thirrje për mbështetje ndaj Bedri Hamza dhe kandidatëve të Partia Demokratike e Kosovës në zgjedhjet e ardhshme, duke përdorur sloganin: “Stop krizës, ndrysho Kosovën”.







