Kandidati për deputet nga Partia Demokratike e Kosovës (PDK) me numrin 109, Bekim Haxhiu, ka njoftuar për hapjen e fushatës zgjedhore të PDK-së në Skenderaj, duke theksuar mobilizimin e qytetarëve të Drenicës për zgjedhjet e 7 qershorit.
Përmes një postimi, Haxhiu ka deklaruar se tubimi i mbajtur në Skenderaj shënoi fillimin e aktiviteteve zgjedhore të partisë në zemër të Drenicës, ndërsa ka vlerësuar pjesëmarrjen dhe mbështetjen e qytetarëve.
“Në zemër të Drenicës, në Skënderaj hapëm fushatën për zgjedhjet e 7 qershorit. Bashkëqytetarët tanë janë të mobilizuar për ta rikthyer PDK-në aty ku e ka vendin – në Qeveri”, ka shkruar Haxhiu.
Sipas tij, mbështetësit e PDK-së e shohin këtë proces zgjedhor si një mundësi për ndryshim politik dhe për adresimin e sfidave me të cilat përballet vendi.
Haxhiu ka theksuar gjithashtu se entuziazmi i qytetarëve të Drenicës lidhet me pritjet për suksesin e PDK-së në zgjedhje, duke përmendur edhe ish-krerët e partisë, Hashim Thaçi dhe Kadri Veseli.
Në postimin e tij, kandidati i PDK-së i ka uruar ditëlindjen Veselit, duke i dërguar përshëndetje nga tubimi në Skenderaj dhe duke shprehur pritjen për rikthimin e tij.
“Drenica i ka nisur gjithmonë ndryshimet dhe do t’i nis edhe më 7 qershor”, ka theksuar Haxhiu.
Aktiviteti në Skenderaj u zhvillua në kuadër të hapjes së fushatës zgjedhore të PDK-së për zgjedhjet e ardhshme parlamentare.







