Bëhet “deti” rruga Prishtinë-Lipjan, ja çfarë rekomandohet
Rruga nga Prishtina në drejtim të Lipjanit është bllokuar thuajse totalisht nga reshjet e mëdha të shiut që kanë rënë në këtë pjesë.
Gjatë natës ka pasur reshje të mëdha në shumë zona të Kosovës, ku në disa vende edhe rrugët e pjesë tjera janë mbushur nga sasi e madhe e ujit.
Nga sasi e madhe e ujit është mbuluar edhe rruga Prishtinë – Lipjan.
Kështu ka bërë të ditur një qytetar i cili ka publikuar një video nga kjo rrugë, derisa ka thënë se shoferët është mirë që ta përdorin autostradën.
“Prishtinë – Lipjan, rruga është goxha e bllokuar, përdorne autostradën për momentin”, ka shkruar ai, transmeton Metro.
