Bedri Hamza inspekton gjendjen aktuale pas reshjeve të shiut në Mitrovicë

Kryetari i Komunës së Mitrovicës, Bedri Hamza, sot bashkë me drejtorët e drejtorive ka dalë në terren për të përcjellë nga afër situatën e krijuar nga vërshimet.

“Brenda kapaciteteve tona jemi duke i marrë të gjitha masat e nevojshme, kemi mobilizuar të gjithë operatorët e nevojshëm dhe së bashku me ta jemi në terren”.

“Reshjet e dendura kanë bërë që niveli i ujit në lumenjtë e qytetit të Mitrovicës të rritet dhe kjo ka shkaktuar një situatë serioze prandaj jemi duke e vëzhguar situatën nga afër”, është shprehur Hamza.

Komuna ka mobilizuar të gjithë operatorët dhe ka ngritur kapacitetet e saj në tejkalimin e kësaj situate të rënduar.