Beatrix Ramosaj me imazhe të tjera atraktive nga pushimet në Spanjë
Këngëtarja e njohur shqiptare, Beatrix Ramosaj, është kthyer sërish për pushime në Ibiza të Spanjës.
Bukuroshja, e cila në Instagram numëron afro 400 mijë ndjekës, nuk ngurron që të publikojë imazhe të ndryshme për fansat e saj, duke mos munguar edhe ato provokuese.
Disa të tilla i ka publikuar së fundmi, e cila siç duket po kalon kohë mjaft të mirë nën shoqërinë e modeles shqiptare, Aurela Hoxha.
“E humbur në parajsë”, është përshkrimi që Ramosaj ia ka vënë imazhit të fundit, derisa në tjetrin shkruan, “Zot ruaj universin”.
Beatrix në plan të parë padyshim se ka vënë figurën e saj trupore, për të cilën admirohet dhe falë fizikut joshës ka mbledhur fansa të shumtë në rrjetet sociale.
“O mrekulli e zotit. Këtë foto me zmadhu me e venë ke dhoma që sa herë të zgjohem me më ec dita bukur”, ka shkruar këngëtarja shqiptare, në fotografinë e modeles së njohur, e cila duket e mrekullueshme në një pozë në rroba banje.
Bukuroshet duket se po argëtohen tejet shumë me njëra-tjetrën dhe se kanë një miqësi të shëndoshë tashmë e kanë dëshmuar.
Beatrix ka kohë që nuk ka publikuar projekte të reja muzikore, ndërkohë që i fundit mbetet në bashkëpunim me vëllanë e saj, Albanin, e quajtur “Get High”.
