Banorët rrëfejnë për serbin që u arrestua për krime lufte në Jarinjë
Policia ka arrestuar shtetasin serb, Dusan Arsiq, në Jarinjë, nën dyshimet për krime lufte në Prishtinë.
Këto rrugë gjatë luftës i kaluan shumë banorë të Komunës së Prishtinës.
Të dëbuar me dhunë nga forcat serbe, ata u detyruan të braktisin shtëpitë e tyre.
Gjatë këtij dëbimi, dyshohet se mori pjesë edhe serbi Dusan Arsiq, i cili u arrestua nga autoritet kosovare në pikën kufitare në Jarinjë.
Pos dëbimit, ai dyshohet edhe për ndalimin dhe ngacmimin e një të mituri, e i cili sipas aktakuzës ende i vuan pasojat e kësaj.
Të freskëta këto momente të luftës i kanë edhe banorët të cilët u dëbuan me forcë nga shtëpitë e tyre.
Forcat serbe vranë edhe banorë gjatë aksioneve të tyre, e që momentet para ekzekutimit i mban mend akoma Krasniqi.
Secili serb që ka kryer krime lufte e që vihet para drejtësisë kosovare, u jep shpresë për informacione të reja edhe familjarëve të personave të zhdukur.
Gjykata Themelore në Prishtinë i ka caktuar masën e paraburgimi prej 30 ditësh të pandehurit Dushko Arshiq.
