Avdullah Hoti merr meritat për rritjen ekonomike që shënoi vendi pas largimit të tij

Ish-kryeministri Avdullah Hoti, ka “reaguar” pas publikimit të shifrave nga kryeministri Albin Kurti për rritje ekonomike.

Sipas Kurtit janë rritur eksportet me 60 për qind, aktivitetet 30 për qind dhe të hyrat buxhetore me 34 për qind. E rritja ekonomike sipas Bankës Botërore.

Më herët, Banka Botërore parashikoi se rritja ekonomike e Kosovës për vitin 2021 do të jetë 7.1, e sipas Bankës Qendrore të Kosovës mund të shkojë edhe më lartë.

E Hoti, që qeverisi me vendin nga qershori i 2020-s deri në mars të 2021-s, përmes një shkrimi në Facebook, ka thënë se 3 faktor kanë të bëjnë me këtë rritje, e dy prej tyre sipas tij, janë meritë e qeverisë që udhëhoqi. Si pikë të parë ka përmendur Pakon e rimëkëmbjes ekonomike, përfshirë edhe tërheqjen e 10-përqindëshit që qytetarët bënë nga trusti i tyre pensional.