Lajmi i fundit
Automjeti godet këmbësoren te rruga “C” në Prishtinë
Një aksident trafiku me lëndime ka ndodhur mbrëmjen e së martës në rrugën “C” në Prishtinë.
Zëdhënësja e Policisë për Rajonin e Prishtinës, Flora Ahmeti ka deklaruar për Ballkani.info se në këtë aksident kanë qenë të përfshirë një këmbësore dhe një automjet.
“Rreth orës 19:00 kemi pranuar informatën se në rrugën “C” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një automjet”.
E lënduara është dërguar për trajtim mjekësorë derisa nuk dihet ende shkalla e lëndimit.
“Si pasojë e aksidentit lëndime të rënda trupore ka pësuar këmbësorja dhe e njëjta është dërguar për tretman mjekësor”, ka shtuar Ahmeti.
Me rastin po merret njësiti i trafikut.