Tifozët e Liverpoolit nuk do ta harrojnë kurrë ndeshjen e mbrëmshme kundër Barcelonës. Kjo gjë u la të kuptohet edhe përmes skenave të jashtëzakonshme në stadiumin “Anfield” pasi gjyqtari e sinjalizoi fundin e lojës.

Liverpooli e siguroi finalen e dytë radhazi të Ligës së Kampionëve, pasi e mposhti Barcelonën në ndeshjen kthyese gjysmëfinale me rezultat 4-0 në “Anfield”. Skuadra e Jurgen Klopp kishte pësuar disfatë 3-0 në ndeshjen e parë gjysmëfinale, në “Camp Nou”.

Pasi gjyqtari e sinjalizoi fundin e ndeshjes, lojtarët u grumbulluan para tifozëve, “Kop”, dhe i vendosën duart mbi njëri-tjetrin. Tifozët filluan ta këndojnë himnin “You’ll Never Walk Alone” e madje edhe lojtarët iu bashkëngjiten.

Scenes at Anfield after the final whistle. Unbelievable 🙌

Liverpool’s fans were immense tonight 👏#LFC #YNWA #LIVBAR #UCLpic.twitter.com/dXyi7Ye4RP

— GiveMeSport Football (@GMS__Football) May 7, 2019

Liverpooli do ta zbulojë kundërshtarin e finales sonte, pas përballjes mes Ajaxit dhe Tottenhamit në gjysmëfinalen tjetër.