Analisti Astrit Gashi ka thënë se PDK është rikthyer në pozitë ofensive prej asaj që ka qenë disa muaj më herët. Ky mobilizim sipas Gashit ka ardhur si pasojë e koketimit të LDK-së dhe VV-së për një koalicion të mundshëm mes këtyre partive.
Gashi në analizën për debatin në RTV Dukagjini ku kanë qenë përfaqësues të PDK-së që kanë folur për “Qeverinë Veseli” ka thënë se tashmë PDK është në pozitë më të mirë pasi që janë aktivizuar disa nga figurat kryesore të PDK-së e sidomos në Drenicë.
“Ka një mobilizim në terren aty ku kanë më së shumti vota”, tha Gashi.
Sipas tij një pjesë e elektoratit të PDK-së nuk dëshiron ta shohë partinë e tyre në opozitë.







