Kryesia e Akademisë së Shkencave dhe të Arteve të Kosovës (ASHAK) ka shprehur shqetësimin lidhur me propozimin e Zyrës së Prokurorit Special për dënimin me 180 vjet burgim për katër figurat udhëheqëse të Ushtrisë Çlirimtare të Kosovës: Hashim Thaçit, ish-president i Kosovës; Kadri Veselit, ish-kryetar i Kuvendit, Jakup Krasniqit, ish-kryetar i Kuvendit dhe Rexhep Selimit, ish-deputet i Kuvendit.

Në një reagim të martën, kryesia e ASHAK-ut thekson se procesi gjyqësor duhet të zhvillohet në përputhje të plotë me standardet ndërkombëtare të drejtësisë dhe me respektimin e të drejtave të njeriut, ashtu siç garantohen nga Kushtetuta e Kosovës dhe Konventa Evropiane për të Drejtat e Njeriut. Sipas ASHAK-ut, çdo shmangie nga këto parime përbën ndikim politik dhe dëmton legjitimitetin dhe paanshmërinë e procesit gjyqësor.

Akademia vë në pah rëndësinë historike dhe morale të luftës çlirimtare të UÇK-së, duke theksuar se ajo u zhvillua për mbrojtjen e popullatës civile dhe çlirimin e Kosovës. Kontributi i udhëheqësve të UÇK-së në këtë proces historik konsiderohet vendimtar dhe, sipas ASHAK-ut, nuk mund të relativizohet apo të stigmatizohet në kuadër të një procesi që mund të ketë motive politike.