Arsenali s’di për fitore
Skuadra e Arsenalit ka pësuar disfatë nga Evertoni në ndeshjen e sotme.
Vendasit fituan me rezultat 2-1, ndërsa sipas statistikave, Arsenali pati më tepër raste shënimi.
Goli i parë erdhi në minutën e 22-t, ku Rob Holding, shënoi në portën e gabuar, duke ia dhënë Evertonit epërsinë.
Shifrat i barazoi sulmuesit Nicolas Pepe, që nga pika e bardhë shënoi për 1-1.
Mirëpo, vendasit morën përsëri lojën në dorë dhe pak para fundit të pjesës së parë, shënuan përmes Yerry Mina.
Me këtë disfatë, Arsenali bie në pozitën e 15-t me 14 pikë të tubuara ndërsa Evertoni është në të 2-n, me 26 sosh.
Skuadra e Mikel Artetas nuk di për fitore tash e disa javë rresht. Fitoren e fundit në Premier League e ka bërë ndaj Manchester Unitedit, më 1 nëntor, me rezultat 1-0.
