Kalvin Phillips
Arsenali interesohet për transferimin e Kalvin Phillips
Arsenali është duke kërkuar transferimin e një mesfushori dhe atë do ta bëj në afatin kalimtar dimërorë.
Trajneri Mikel Arteta nuk po llogarit në shërbimet e Thomas Partey i cili po lëndohet shumë shpesh dhe dëshiron ta largojë atë.
Sipas The Sun , Arsenali ka shfaqur interesim për të nënshkruar me mesfushorin anglez Kalvin Phillips që aktivizohet te Manchester City.
Që kur u transferua në Etihad për 45 milionë funte verën e kaluar, Phillips ka vuajtur për të pasur minuta nën urdhrat e Pep Guardiolas.
Topçinjtë kanë nënshkruar me Oleksandr Zinchenko dhe Gabriel Jesus nga Man City, duke sfiduar përfundimisht titullin Ligës Premier sezonin e kaluar.
27-vjeçari edhe këtë edicion ka pasur shumë pak hapësira, teksa ka luajtur vetëm një ndeshje të plotë në EFL Cup, derisa në Ligën e Kampionëve dhe Ligën Premier në total ka vetëm 77 minuta nga katër takime të zhvilluara.
Londinezët janë të gatshëm të ofrojnë deri në 40 milionë euro për transferimin e Phillips në Emirates Stadium.
