Arrestohet një person lidhur me plagosjen në Pejë, i dyshuari kryesor ende në arrati
Një person është arrestuar gjatë orëve të natës (23.05.2024) pas plagosjes në Pejë.
I njëjti po dyshohet për dhënie të ndihmës pas kryerjes së veprës penale.
Arrestimi u konfirmua nga Ersan QaVOLLI, prokurori që po e trajton rastin.
“Mund të ju konfirmoj që kemi arrestuar një person ai po dyshohet për ndihmë në pas kryerjes së veprës penale. I dyshuari kryesor është ende i paarritshëm në arrati. Ai tashmë është i identifikuar policia po punon për kapjen e tij”- tha Qavolli për KALLXO.
Agron Gashi, 21-vjeçar tashmë është në kerkim të organeve të rendit si i dyshuar kryesor për plagosjen e tre personave në Pejë.
Vepra penale ndaj tij është vrasje e rëndë në tentativë.
