Arrestohet i dyshuari që tentoi ta godasë policin me veturë

Një person është arrestuar pasi dyshohet se ka tentuar të godasë me veturë një zyrtar policor.

Sipas njoftimit rasti ka ndodhur dje rreth orës 07:00, në Gorazhdevc të Pejës.

Policia ka bërë të ditur se i dyshuari në një pikë kontrolli gjatë legjitimimit, ka filluar të lëvizë veturën vrullshëm, duke tentuar ta godasë zyrtarin policor.

Me vendim të prokurorit, i dyshuari është dërguar në mbajtje.