Mitrovicë

Arrestohen tre persona në Mitrovicë, tentuan të vriten me thika

Policia ka njoftuar se ka arrestuar tre persona, pasi lënduan tre të tjerë me anë të thikës.

“Rreth orës 02:00, të datës 01 janar 2022, policia në Mitrovicë ka pranuar informacion për një përleshje të ndodhur ndërmjet disa personave në rrugën ‘Mbretëresha Teutë’ në Mitrovicë. Me të pranuar informacionin në vendin e ngjarjes me urgjencë kanë dalë të gjitha njësitet e nevojshme policore”, thuhet në njoftimin e Policisë.

“Nga informacionet fillestare bëhet e ditur se si pasojë e përleshjes tre persona meshkuj kosovar kishin mbetur të lënduar të cilët janë dërguar në Spitalin Rajonal në Mitrovicë. Pas tretmanit mjekësor njëri nga të lënduarit është dërguar për tretman të mëtejmë në QKUK, ndërsa dy të lënduarit tjerë janë liruar në shtëpi. Sipas autoriteteve mjekësore të lënduarit lëndimet i kanë pësuar nga një mjet i mprehtë (thikë).

Lidhur me rastin janë ndërmarrë veprime të shpejta policore, me ç ‘rast janë identifikuar dhe arrestuar tre persona të dyshuar, të cilëve pas intervistimit me aktvendim të prokurorit të rastit u është caktuar masa e ndalimit”.