Arilena dhe Alketa prishin raportet? Ky veprim flet shumë
Po vazhdojnë polemikat pas finales së “Festivalit të Këngës” në RTSH.
Arilena Ara u shpall fituese e edicionit të 58-të të “Festivalit të Këngës”, shkruan lajmi.net.
Por, pas publikimit të votave të jurisë, nisën debatet e nxehta për pikët e dy anëtareve shqiptare, kjo ngase Mikaela Minga dhe Rita Petro, e vlerësuan me pikë minimale Elvana Gjatën, krahasuar me tre anëtarët e huaj, të cilët i dhanë pikët maksimale.
Përmes një postimi, Alketa Vejsiu e kishte uruar Arilenën, por i kishte kërkuar ndjesë Elvanës, duke i thënë se votimi nuk ishte në dorën e saj.
E kjo deklaratë duket se e inatosi Arilenën dhe e hoqi moderatoren nga lista e personave që i ndjek.
Më pastaj, të njëjtin veprim e bëri edhe Alketa.
