Analisti kosovar tallet me sondazhin e Bislimit, ia kujton deklaratën për papunësinë në pandemi
Analisti politik, Petrit Zogaj, është tallur me sondazhin e publikuar nga anëtari i Lëvizjes Vetëvendosje (LVV), Besnik Bislimi, teksa ia ka rikujtuar deklaratën e tij për papunësinë përgjatë pandemisë.
Me anë të një shkrimi në Facebook Zogaj, ia ka rikujtuar Bislimit deklaratat e bashkëpartiakëve të tij, të cilët supozojnë se do kenë bashkëpunim politik me partinë e re të u.d. të presidentit, Vjosa Osmanit.
“Bislimit nuk i paten dale mire numrat e papunesise sa ishte minister, se keto te zgjedhjeve po besoj s’ia ka huqe. Plus, a s’po e konsiderojne Vjosen partnere kerkah a?”, deklaroi Zogaj.
Ndryshe, në sondazhin e publikuar nga Bislimi, partia LVV prin me 55 deputetë, e pasuar nga PDK’ja me 19 dhe LDK’ja me 18 sosh. Ndërkaq, sipas këtij sondazhi, AAK do ketë 8 ulëse.
Bislimi, përgjatë kohës sa shërbente si Ministër i Financave dhe Transfereve, pati deklaruar se shkalla e papunësisë në Kosovë kurrë nuk ka qenë më e ulët sesa gjatë qeverisjes Kurti.
