Analistë politikë dhe njohës të zhvillimeve lokale kanë vlerësuar lart punën dhe rezultatet e deritanishme të kryetarit të Komunës së Junikut, Ruzhdi Shehu. Sipas tyre, performanca dhe transparenca e treguar gjatë mandatit të tij kanë ndikuar që Shehu të fitojë një mbështetje të gjerë nga qytetarët, duke e renditur ndër kryetarët më të suksesshëm në Kosovë.

Njëri nga analistët, Kabashi, ka deklaruar se Ruzhdi Shehu ka treguar lidership të fortë, qasje bashkëpunuese dhe vizion të qartë zhvillimor për komunën e tij. Ai theksoi se projektet infrastrukturore, përmirësimi i shërbimeve komunale dhe mbështetja e iniciativave qytetare kanë rritur besimin e qytetarëve ndaj kryetarit aktual.

“Duke parë nivelin e përkrahjes dhe entuziazmin e madh që po shfaqet nga qytetarët, është e pritshme që Shehu të sigurojë fitore që në raundin e parë, pa balotazh,” u shpreh Kabashi.

Sipas të dhënave dhe analizave të fundit, trendi i mbështetjes për Ruzhdi Shehun po vazhdon të rritet, gjë që e bën atë një nga figurat më të favorizuara në skenën politike lokale. Qytetarët, por edhe analistët, presin që ai të vazhdojë projektet e nisura dhe të sjellë zhvillim të mëtejmë për komunën në mandatin e ardhshëm.