Rekord
Amerikani vendos rekord të ri botëror duke ngrënë mbi 34 mijë hamburgerë gjatë gjithë jetës së tij
Amerikani Donald Gorske, mbajtës i një titulli të Rekordeve Botërore Guiness, ka forcuar më tej titullin e tij si individi që ka konsumuar numrin më të madh të hamburgerëve Big Mac gjatë gjithë jetës.
Vetëm gjatë vitit 2023, 70 vjeçari ka konsumuar 728 hamburgerë, duke e dërguar totalin e hamburgerëve të ngrënë në 34,128.
Siç dokumentohet nga Guiness, rrugëtimi i Gorske drejt rekordit botëror ka filluar 52 vjet më parë, përcjell Telegrafi.
Ai e siguroi rekordin fillestar në vitin 1999, fillimisht duke konsumuar nëntë hamburgerë çdo ditë, pastaj e zvogëloi sasinë në dy. Por, edhe pas pensionimit të tij, ai ende shijon hamburgerë nga McDonald’s.
Pjesa më befasuese është pretendimi i pensionistit se nuk ka pasur kurrë probleme shëndetësore, pavarësisht se ka konsumuar mbi 34 mijë hamburgerë.
Për të ruajtur mirëqenien e tij, ai nuk i preferon patatet e skuqura, dhe realizon një shëtitje të përditshme prej 9 kilometrash.
