Ambasadorja e Finlandës i reagon Milaim Zekës: Nuk e kam vizituar asnjëherë RTK-në

Ambasadorja e Finlandës në Kosovë, Pia Stjernvall, ka demantuar Milaim Zekën i cili në një postim në profilin e tij në Facebook ka akuzuar ambasadorët e Suedisë, Italisë dhe Finlandës se kanë bërë ndërhyrje në Radio Televizionin e Kosovës duke i shkuar në zyrë Drejtorit Gjeneral për t’i bërë presion.

Stjernvall ka shkruar se nuk e ka vizituar asnjëherë RTK-në.

Postimi i plotë i Ambasadorës së Finlandës në Twitter: “Për Milaim Zekën dhe qytetarët e Kosovës: Nuk e kam vizituar asnjëherë RTK-në dhe në asnjë rrethanë nuk do të ndërhyja në media dhe politikat editoriale. Prej vendit nga vij, Finlanda, ne respektojmë dhe besojmë në lirinë e mediave”.

To @milaim_zeka & #Kosovo citizens: I have not visited @RTKlivecom nor under any circumstances, I would intervene on any media editorial policies. Where I come from, #Finland, we respect and believe in the freedom of the media.#mediafreedom

— Pia Stjernvall (@StjernvallPia) April 19, 2021