Ambasadori gjerman sërish përmend deklaratën e Gjermanisë, Francës e Polonisë për vizat
Ambasador i Gjermanisë në Kosovë, Jorn Rohde, ka thënë se shpreson që kosovarët shpejtë të udhëtojnë pa viza.
Franca, Gjermania dhe Polonia, kanë kërkuar progres në rrugën e liberalizimit të vizave për Kosovën.
“Shpresojmë që shumë shpejt të liberalizohen vizat dhe ju të mund të udhëtoni pa viza. Ndoshta e keni parë deklaratën e shefave të shteteve Gjermani, Francë dhe Poloni të cilat kanë deklaruar se është koha për liberalizimin e vizave dhe shpresojmë që shumë shpejt të merret ky vendim”, ka thënë ambasadori gjerman, ka raportuar Zëri.
Këtë deklaratë ai e ka bërë gjatë hapjes së Kampit Veror nga Education Unlimited në Gjimnazin Loyola në Prizren, në të cilin do të marrin pjesë 80 nxënës nga Evropa.
Kosova është vendi i vetëm në rajon që nuk ka liberalizim të vizave.
