Ambasada Amerikane në Kosovë me njoftim të rëndësishëm për terminet lidhur me viza

Ambasada e Shteteve të Bashkuara të Amerikës në Kosovë ka njoftuar se që nga data 14 mars janë anuluar terminët për viza.

Në njoftimin e Ambasadës së Amerikës u tha se shërbimi me viza do të rifillojë sa më shpejtë që të jetë e mundur, por që nuk kanë ndonjë datë të specifikuar lidhur me këtë.

Gjithashtu u theksua se pagesat e bëra më parë janë të vlefshme dhe mund të përdoren për një aplikim vize brenda një viti që nga data e kryerjes së pagesës, transmeton Indeksonline.

“Nëse keni ndonjë çështje urgjente dhe keni nevojë të udhëtoni menjëherë, ju lutemi ndiqni udhëzimet e dhëna në Shërbimin e Emërimit të Vizave të Departamentit të Shteteve të Bashkuara për të kërkuar një emërim urgjent”, u tha tutje nga Ambasada.