Ambasada amerikane në Kosovë: Marrëveshja, progres për Ballkanin Perëndimor
Ambasada e SHBA-ve në Kosovë nëpërmejt një deklarate për media ka theksuar se Shtetet e Bashkuara përgëzojnë presidentin e Serbisë, Aleksandar Vuçiq dhe kryeministrin e Kosovës, Avdullah Hoti për marrëveshjet historike që arritën sot në Shtëpinë e Bardhë, duke përfshirë një gamë të gjerë të çështjeve të normalizimit ekonomik.
Në deklaratën e Ambasadës Amerikane theksohet se udhëheqja e Serbisë dhe Kosovës, e guximshme dhe me vështrim përpara nuk sjell vetëm rritje dhe punë për qytetarët e tyre, por vendos një ton të ri pajtimi në ndjekjen e progresit për Ballkanin Perëndimor.
Kosova dhe Serbia në Shtëpinë e Bardhë nënshkruan marrrëveshje ekonomike. Marrëveshja e nënshkruar nga Hoti dhe Vuçiq përbëhet nga 16 pika.
Gjithashtu marrëveshja, e nënshkruar nga kryeministri i Kosovës, Avdullah Hoti, dhe presidenti i Serbisë, Aleksandar Vuçiq, parasheh, ndër të tjera, edhe anëtarësimin e dy shteteve në “zonën e mini-Shengenit”.
