Albin Kurti reagon pas vrasjes së policit në Prizren
Kryetari i VV’së, Albin Kurti, ka reaguar pas vrasjes së policit në Prizren.
Një efektiv i Policisë së Kosovës u vra pas një shpërthimi gjatë një aksioni antidrogë.
“Në orët e vona të mbrëmjes na erdh një lajm i keq. Polici Sami Thaçi paska vdekur në krye të detyrës, gjatë një operacioni kundër narkotikëve në Zhur të Prizrenit”, ka thënë Kurti.
“Ngushëlloj familjen e tij dhe Policinë e Kosovës. Shpresoj që të plagosurit të jenë jashtë rrezikut dhe të bëhen mirë sa më shpejt”
Tutje ai ka shtuar se luftimi i krimit varet nga trimëria dhe sakrifica e policëve, por për këtë ai thotë se duhet të vijë një qeveri e re.
“Që të luftohet me sukses krimi në vend duhet trimëria e sakrifica e policëve, por duhet edhe një qeveri ndryshe, që mbështet policinë e ligjin, dhe lufton pa kompromis krimin”.
