Alban Skënderaj dhe Elgit Doda publikojnë këngën e re “Parajsa ime”
Kantautorët e njohur shqiptarë, Alban Skënderaj dhe Elgit Doda, sapo kanë prezantuar projektin e ri muzikor.
“Parajsa ime” titullohet kënga e tyre e re, e cila vjen e shoqëruar me një klip tejet veror në bregdetin shqiptar pikërisht për stinën e verës.
Tekstin e ka shkruar vet artisti Skëndëraj, kurse për producimin është përkujdesur Doda.
Ndërkaq, miksimin dhe masterizimin e këtij projekti e ka realizuar Mareglen Boja.
Projekti i dyshes tashmë është lansuar edhe në platformën YouTube dhe besohet se do të mirëpritet nga fansat e tyre.
“Verë 2020, Shqipëri. Hapim zyrtarisht sezonin turistik në bregdetin më të bukur në botë”, ka qenë përshkrimi që Albani ia ka bashkangjitur një videoje të ndarë në llogarinë e tij personale, Instagram.
Dy artistët shquhen për zërin e veçantë dhe projektet që sjellin në varësi të kohës dhe stinës.
