Alban Ramosaj

Alban Ramosaj publikon klipin sensual të këngës së re “A je me najkon”

Këngëtari i njohur i skenës shqiptare, Alban Ramosaj, ka prezantuar së fundmi këngën e re.

“A je me najkon” mban titullin ky projekt, që vjen i shoqëruar edhe me videoklip.

Teksti është shkruar nga vet artisti, i cili njëherësh është përkujdesur edhe për muzikën.

Foto: Screenshot/YouTube

Miksimi, masterizimi dhe producimi vlen të ceket se është realizuar nga Marko Polo.

Albani nuk është shfaqur në klip, gjersa ka përzgjedhur një modele që vjen në disa skena mjaft sensuale.

Besohet që edhe kjo këngë e Ramosajt do të pëlqehet e pritet mirë nga publiku.

I njëjti këtë vit ka qenë në formë të mirë dhe një emër shumë i diskutuar në showbizin shqiptar. /Telegrafi/