Mallorca është përfshirë nga një stuhi dimërore që po bën kërdinë, me rreth 50 centimetra borë që mbylli rrugët dhe ndërpreu energjinë elektrike në dhjetëra qytete.

Sipas mediave të huaja, përcjell Telegrafi, ishulli spanjoll i pushimeve është i mbuluar me borë sot dhe zyrtarët lëshuan një paralajmërim të rrallë të kuq për të dytën ditë radhazi, pasi rreth 40 centimetra të tjerë pritet të bien në 24 orët e ardhshme.

Stuhia Juliette goditi Mallorcan, e njohur për plazhet e saj të mbushura me diell, të dielën, dhe që atëherë ka sjellë stuhi dhe mot të ftohtë në ishullin Balearik.

🇪🇸 The Spanish island of Mallorca is known for its sun, sea and sand, right?

❄️ Well here it is covered in snow after it was hit by Storm Juliette. The freezing conditions are expected to last until 1 March. pic.twitter.com/sXRQQOp4lQ

— euronews (@euronews) February 28, 2023

Agjencia meteorologjike e Spanjës AEMET paralajmëroi se rajonet bregdetare në Mallorca veriore do të goditen me erëra me shpejtësi deri në 90 km/h dhe dallgë.