Rizah Bytyçi
Aksidenti në Mushtisht: Bie nga pema, vdes 71-vjeçari
Krasitja e një trupi të arrës në oborrin e shtëpisë, i kushtoi me jetë.
Rizah Bytyçi nga Mushtishti i Suharekës, vdiq paraditen e së dielës pasi kishte hipur në pemë nga e cila rrëshqiti.
71-vjeçari që u varros të hënën pasdite ra nga një lartësi rreth 3 metra.
Reshat Selimi, kryetar i fshatit Mushtisht tha për Klan Kosova se mjekët që dolën në vendngjarje vetëm konfirmuan vdekjen e papritur të mushtishtasit, të cilin sipas tij e donin krejt fshati.
Ai ka qenë aq vital e aq mirë e ka ndjerë vetën sa edhe ata që ishin më të ri ia kemi pas lakmi.
Vdekja aksidentale e tij, mërziti edhe shokët e të ndjerit.
E pamja për të moshuarin do të mbahet tri ditë tek shtëpia e tij në Mushtisht.
