Aksident trafiku në Podujevë, lëndohen tre persona
Një aksident i rëndë trafiku ka ndodhur mbrëmjen e sotme në fshatin Lluzhan të komunës së Podujevës.
Si pasojë e këtij aksidenti të lënduar janë tre persona.
Në aksidentin në fjalë janë përfshirë dy vetura, ndërsa dëme të mëdha materiale kanë pësuar që të dyja.
Në vendin e ngjarjes kanë arritur ekipet emergjente, por nuk janë dhënë detaje shtesë lidhur me rastin.
