Aksident në Rrugën e Kombit, dyshohet për katër viktima të një familjeje nga Kosova VIDEO
Një aksident i rëndë ka ndodhur në Rubik mbrëmjen e sotme. Dyshohet se në këtë aksident kanë mbetur të vdekur 4 persona dhe një i plagosur.
Mësohet se viktimat janë anëtarë të së njëjtës familje që po udhëtonin nga Kosova, kështu raporton Top Channel.
Siç shihet në pamje, në këtë aksident janë përfshirë një makinë tip “Citroën” dhe një kamion. Sipas të dhënave paraprake dyshohet se makinat janë përplasur kokë më kokë.
Në këtë pjesë të Rrugës së Kombit mungon ndriçimi dhe dyshohet se ka ndikuar në shkaqet e aksidentit, si dhe lagështia në rrugë.
