LAJMI I FUNDIT
Aksident i rëndë në Raushiq – lëndohen katër persona
Një aksident i rëndë trafiku ka ndodhur mëngjesin e sotëm në magjistralen Deçan-Pejë, konkretisht në fshatin Raushiq.
Rastin e ka konfirmuar zëdhënësi i Policisë së Kosovës për rajonin e Pejës, Fadil Gashi, i cili tha se si pasojë e këtij aksidenti katër persona kanë pësuar lëndime.
“Rreth orës 07:00 policia ka pranuar informatën për një aksident në fshatin Raushiq. Dy vetura kanë qenë të përfshira në këtë aksident dhe për pasojë katër persona janë lënduar dhe të njëjtit janë dërguar në emergjencë për tretman mjekësor”, ka thënë Gashi.
Ai ka shtuar se në vendin e ngjarjes kanë dalë njësitë kompetente të policisë dhe hetuesisë për të parë se cilët kanë qenë shkaktarët që kanë quar deri tek ky aksident.
