Agim Veliu i shkon në takim Abdixhikut pas raportimeve për pakënaqësi
Deputeti i zgjedhur i LDK-së, Agim Veliu njëherit ministër në detyrë i Punëve të Brendshme po merr pjesë në takimin e thirrur nga kryetari i LDK-së, Lumir Abdixhiku me deputetët e zgjedhur të partisë.
Veliu është parë duke u futur në zyrat e partisë, ku do të fillojë për pak mbledhja e grupit parlamentar të LDK-së.
Ish-kryetari i Podujevës, Agim Veliu nuk e ka uruar publikisht kryetarin e zgjedhur të LDK-së, Lumir Abdixhiku dhe nuk ka marrë pjesë as në ceremonitë që ka bërë kryetari Abdixhiku tek Varri i presidentit Rugova dhe tek kompleksi memorial “Adem Jashari” në Prekaz.
Ndërkohë, Insajderi ka raportuar se përshkak të lobimit për Lumir Abdixhiku, Veliu ka shkarkuar shoferin e tij Nuhi Imeri.
