E publikon Rohde
Aeroplani special i qeverisë gjermane i solli emisarët në Kosovë
Ambasadori gjerman, Jorn Rohde, ka shkruar për takimin e sotëm që zhvilloi kryeministri Albin Kurti me pesë diplomatët që erdhën në Prishtinë për të shtyrë përpara procesin e normalizimit Kosovë-Serbi.
Rohde tha se ky takim tregon një përkushtim të palodhshëm për zgjidhje të qëndrueshme mes dy shteteve.
“Takimi i sotëm i emisarit Lajçak dhe katër të tjerëve nga Gjermania, Franca, SHBA dhe Italia bashkë me kryeministrin Albin Kurti nënvizon përkushtimin e palodhshëm të BE-së, Gjermanisë, Francës, SHBA-së e Italisë për një zgjidhje të qëndrueshme dhe në këtë mënyrë për të përshpejtuar integrimin e plotë të Kosovës në familjen euroatlantike”, ka shkruar Rohde.
Ai ka bërë me dije se emisarët erdhën në Prishtinë me aeroplanin e qeverisë gjermane përmes një fotografie që e publikoi.
Today's meeting of 🇪🇺 EUSR @MiroslavLajcak and the 4 NSAs from 🇩🇪🇫🇷🇺🇸🇮🇹 together with PM @albinkurti underscores🇪🇺🇩🇪🇫🇷🇺🇸🇮🇹 tireless commitment for sustainable solutions and thus speed up 🇽🇰 full integration into the Euro-Atlantic family. pic.twitter.com/hTFO2zoXCx
— Ambassador Jörn Rohde (@GermanAmbKOS) October 21, 2023