Aeroplani elektrik i ndërtuar nga studentët ngjitet në qiellin e Zvicrës
Një aeroplan elektrik me katër vende, i njohur si e-Sling, i zhvilluar nga studentët në institutin federal të teknologjisë ETH Cyrih, përfundoi fluturimin e tij të parë javën e kaluar.
Sipas mediave të huaja, përcjell Telegrafi, për dy vitet e fundit një ekip prej 20 studentësh të inxhinierisë në ETH Cyrih ka punuar në një projekt të veçantë për diplomën e tyre bachelor: krijimin e një aeroplani elektrik.
Së bashku ekipi projektoi, montoi dhe testoi aeroplanin e lehtë në parkun e inovacionit Dübendorf, që ndodhet afër Cyrihut.
Dhe më 29 shtator, aeroplani më në fund la hangarin e tij për fluturimin e tij të parë.
Në total, shtatë fluturime testuese u përfunduan atë ditë për të shënuar nisjen zyrtare të e-Sling.
