Adele ndalon performancën për të ndihmuar fansat në mes të një turme
Adele e bëri prioritet sigurinë e fansave gjatë rikthimit të saj të fuqishëm në Festivalin ‘BST Hyde Park’ të Londrës të premten (1 korrik).
Gjatë koncertit të saj të parë publik në pesë vjet, këngëtarja 34-vjeçare ndaloi shumë herë për të ndihmuar fansat e shqetësuar, në turmën prej rreth 65 mijë personash.
“Stop, stop, stop”, tha Adele në një moment kur pa që diçka nuk po shkonte. “A keni nevojë për ndihmën e sigurisë? Pikërisht në mes, a mund ta shihni? Ata po vijnë, po vijnë. Të gjithë largohuni nga rruga, ju lutem”.
Pasi mori brohoritjet nga pjesëmarrësit e festivalit dhe pa se gjithçka ishte nën kontroll, krijuesja e hitit vazhdoi të performonte këngën me temë nga filmi James Bond i vitit 2012.
Seti prej dy orësh i Adeles përfshinte gjithashtu hite të tilla si “Hello”, “Rumour Has It” dhe “Rolling In the Deep”.
“Zoti im, jam kthyer sërish”, tha fituesja e shumë çmimeve ‘Grammy para’ audiences. “Është kaq e çuditshme të jesh sërish përballë një turme. Bëhem shumë nervoz para çdo shfaqjeje, por më pëlqen të jem këtu”.
Foto: Screenshot/Getty Images
Festivali ‘BST Hyde Park’ shënoi koncertin e parë publik të Adeles që nga paraqitja e saj e fundit në stadiumin Wembley të Londrës në 2017.
Ajo performoi për herë të fundit në ‘Brit Awards’ në shkurt dhe ishte në një shfaqje televizive në nëntor të vitit 2021.
Foto: Screenshot/Getty Images
Adele është paraparë që të performojë sërish në Hyde Park të Londrës.
