Abdixhiku: S’mund t’i shpenzojmë 110 milionë euro pa ligj, autostrada Prishtinë-Gjilan do të vazhdojë

Ministri i Infrastrukturës dhe Ambientit, Lumir Abdixhiku, ka thënë se sot Ministria e Infrastrukturës dhe Ambientit ka anuluar tenderin 110 milionësh të shpallur pa miratim buxhetor në kohën e tranzicionit qeveritar.

Ai ka thënë se me këtë vendim ia kanë kthyer ligjshmërinë një procesi të rëndësishëm financiar për vendin.

“110 milionë euro s’mund të shpenzohen pa ligj; jo në këtë epokë të re qeverisëse”, thuhet në njoftim.

Ai tutje ka shtuar se projekti i autostradës Prishtinë-Gjilan do të vazhdojë.

“Qeveria e re i siguron banorët e Anamoravës se projekti i autostradës Prishtinë-Gjilan vazhdon. Është prioritet i programit tonë. Javën që vjen do t’i vizitoj punimet e deritanishme që duket se kanë mbetur prapa në kohë. Do t’i japim ritëm të ri”, ka shkruar ai në Facebook.