Ministrja e Punëve të Jashtme dhe Diasporës, Meliza Haradinaj- Stublla ka reaguar ndaj vendimit të qeverisë ku ka kërkuar testin negativ për hyrje nga kufiri me Shqipërinë.
Ajo i quan absurde këto vendime, dhe që kanë logjik të izlolimit total.
“Logjika e izolimit total kufitar, ka sjellur vetëm dëme, sidomos për ata që kanë nevojë për trajtim shëndetësor jashtë Kosovës! Unë do të votoj KUNDËR këtij propozimi”, ka shkruar Ministrja Haradinaj-Stublla.
Ky është reagimi i plotë:
Propozimet për shtim të masave duke kërkuar testin negativ për hyrje nga kufiri me Shqipërinë, janë absurde, thënë më së paku.
Është një numër i madh i qytetarëve tanë që veçse janë në Shqipëri, dhe në mungesë të testeve, është krejt absurde të vetëizolohen rreth 100,000 qytetarë, pa asnjë bazë.
Logjika e izolimit total kufitar, ka sjellur vetëm dëme, sidomos për ata që kanë nevojë për trajtim shëndetësor jashtë Kosovës! Unë do të votoj KUNDËR këtij propozimi.
Masat e rekomanduara nga IKSHP, duhet të respektohen maksimalisht nga qytetarët, por jo të izolohemi e të thellohet edhe më tej kriza.
Higjienë, distancë dhe maskë! Kaq e thjeshtë.







